• Дата публикации: 09/10/2019 - 18:31
    Мазмұны:

    «Тұрақты даму мақсатында жергілікті деңгейдегі локализация тәсілдері» тақырыбында семинар

        Ағымдағы жылдың 9-10 қазан аралығында Қызылорда қаласында БҰҰ даму бағдарламасы мен экономикалық зерттеу институты өкілдерінің ұйымдастыруымен тұрақты даму мақсаттары мен жергілікті деңгейдегі локализация тәсілдері тақырыбында оқу семинарын өткізілуде.

         9 қазан күні жергілікті атқарушы органдардың қызметкерлеріне тұрақты даму мақсаттары туралы түсіндірме жұмыстары жүргізілді.

        10 қазан күні үкіметтік емес ұйымдардың, студенттердің, мүмкіндігі шектеулі жандардың, жеке сектордың және жергілікті атқарушы орган қызметкерлерінің қатысуымен Қазақстанда тіркелген байланыстың локализациясы мен локализациясының методологиялық тәсілдері тақырыбында семинар-тренинг өткізілетін болады.

    09.10.2019ж.

     

     

     

     

     

  • Дата публикации: 04/10/2019 - 19:08
    Мазмұны:

    Құрметті облыс тұрғындары мен қонақтары!

    Басқарма басшысының орынбасары Тұрманов Мәлік Жұмағалиұлы қатысуымен Қызылорда облысының әлеуметтік-экономикалық дамытудың 2019-2022 жылдарға арналған кешенді жоспарының маңызыдылығы күтілетін нәтижелер туралы facebook.com әлеуметтік желісіндегі Басқарманың ресми парақшасында 2019 жылғы 9 қазанда сағат

    15:00 - 17:00 аралығындағы интернет-конференция өткізіледі

  • Дата публикации: 04/10/2019 - 18:38
    Мазмұны:

    Облыстық бюджеттік комиссия отырысының 2019-2021 жылдарға арналған облыстық бюджетті нақтылау мәселесі қаралды

         Ағымдағы жылдың 2 қазан күні Қызылорда облысы әкімдігінде облыстық бюджеттік комиссия отырысы болып өтті. Облыстық бюджеттік комиссия отырысын мүшелерінің қатысуымен комиссия төрағасы - облыс әкімі Қ. Ысқақов жүргізді. Отырысты экономика және бюджеттік жоспарлау басқармасының басшысы Н. Қордабай 2019-2021 жылдарға арналған облыстық бюджетке енгізілген өзгерістер мен толықтыру енгізу мәселесі бойынша баяндама жасады. 2019-2021 жылдарға арналған облыстық бюджетті нақтылау негізінде облыстық бюджеттің әлеуметтік бағыты сақталып, білім, денсаулық сақтау, спорт, мәдениет салалары ең басым бағыттар болып қала берді.

         Басты мәселелердің бірі Қазақстан Республикасы Премьер-Министрі А. Маминның тапсырмасына сәйкес табысы аз азаматтарға атаулы көмек шығындарын 15 пайызға жеткізуге қаржы бөлу болып табылады.

        Сонымен қатар, табиғатты қорғау шараларын жүзеге асыруға, мемлекеттік-жекешелік әріптестік жобаларын әрі қарай дамытуға, облыс аумағында қоғамдық тәртіпті сақтауға және қауіпсіздікті қамтамасыз етуге қаржы бөлу жоспарлануда.

    04.10.2019ж.

  • Дата публикации: 01/10/2019 - 17:10
    Мазмұны:

    Ауыл шаруашылығы саласындағы инновациялық жобалар

         Қорқыт Ата атындағы Қызылорда мемлекеттік университеті Жалағаш ауданындағы «Бақдәулет» шаруа қожалығының егістігінде «Қызылорда облысының күріш жүйелерінің мелиоративтік жағдайын ауыспалы егіске қант құмайын енгізу арқылы жақсарту» бойынша жоба жұмыстарымен таныстырып, «Дала күні» семинарын өткізді.

         Семинарға облыстық ауыл шаруашылығы басқармасының, аудандық ауыл шаруашылығы бөлімдерінің мамандары, ғалымдар, ауыл шаруашылық құрылымдарының жетекшілері қатысып, жоба нәтижесімен танысты.

         Жобаның мақсаты – Қызылорда облысының күріш жүйелеріндегі мелиоративтік жағдайды жақсарту мақсатында топырақ қабатынан ең көп тұз шығаруды қамтамасыз ететін тұзға және құрғақшылыққа төзімді дақыл – қант құмайын өсіру арқылы бос жерлерді ауылшаруашылық айналымына қосып, суармалы егіс көлемін кеңейту, егілетін дақылдардан кепілді өнім алу.

         Сонымен қатар, қант құмайы мал азығын дайындауда көк балауса, сүрлем, құрама жем және жем-шөп ретінде қолданылады.

    01.10.2019 ж.

  • Дата публикации: 01/10/2019 - 16:06
    Мазмұны:

    «Қорқыт және Ұлы дала сазы» атты халықаралық фольклорлық-музыкалық өнер фестивалі және «Қорқыт ата мұраларының Түркі әлеміндегі ролі» атты ғылыми-теориялық конференциясы

         Елбасының «Болашаққа бағдар: рухани жаңғыру», «Ұлы Даланың жеті қыры» бағдарламалық мақалаларын жүзеге асыру бағытында халықаралық «ТҮРКСОЙ» ұйымы бірлесіп түркітілдес елдердің ұлттық фольклорлық музыкалық өнерін дәріптеу, мәдени байланысты нығайту мақсатында 2019 жылғы 20-21 қыркүйек күндері «Қорқыт және Ұлы дала сазы» атты халықаралық фольклорлық-музыкалық өнер фестивалі және «Қорқыт ата мұраларының Түркі әлеміндегі ролі» атты ғылыми-теориялық конференция өткізілді.

         Елбасының қолдауымен алғаш рет 2006 жылы бастау алған фестиваль биылғы жылы бесінші мәрте өткізілді.

         Биылға фестивальге Түркия, Иран, Әзірбайжан, Сербия, Грузия, Өзбекстан, Қырғызстан, Татарстан, Башқұртстан, Саха республикаларынан және еліміздің әр өңірінен белгілі ғалымдар мен өнер иелері, шығармашылық ұжымдар қатысты.

         Сондай-ақ, жиында  Халықаралық  ТҮРКСОЙ ұйымы бас хатшысының орынбасары, доцент, филология ғылымдарының докторы Чакыджы Билял  мырза сөз сөйлеп, ғалымдар түркі әлеміне ортақ ойшыл Қорқыт баба жайында тың деректерді ортаға салып, баяндамалары тыңдалды.

         Сонымен қатар, фестиваль аясында  Қорқыт Ата атындағы Қызылорда  мемлекеттік университеті, Қазанғап атындағы музыкалық колледжі, М.Мәметова атындағы гуманитарлық колледжі  алыс-жақын шетелдерден келген және қазақстандық өнерпаздардың қатысуымен шеберлік дәрістері ұйымдастырылды.

    01.10.2019 ж.

  • Дата публикации: 27/09/2019 - 16:31
    Мазмұны:

    Қызылорда қаласының жолаушылар көлігі саласын цифрландыру туралы.

          Ағымдағы жылдың 24 қыркүйегінде облыстық жолаушылар көлігі және автомобиль жолдары басқармасы мен «ALЕMPAY» ЖШС-ның арасында «Қызылорда қаласындағы қоғамдық көліктерге электрондық билеттік жүйесін орнату» мемлекеттік-жекешелік әріптестік жобасының келісім-шартына қол қойылды. Аталған жоба шеңберінде жолаушылар жолақысын қолма-қол төлем жасамай, «SMS BUS» мобильдік қосымшасымен QR кодты сканерлеу арқылы төлем жасауға болады. Ол үшін аталған мобильдік қосымшаны ұялы телефонға жүктеп, ішіне керекті қаржыны салу қажет.

           Әзірше  Қызылорда қаласының 600 қоғамдық көліктеріне электрондық билеттік жүйесін орнату жосапарлануда.

         «Қызылорда қаласындағы қоғамдық көліктерге электрондық билеттік жүйесін орнату» мемлекеттік-жекешелік әріптестік жобасы 2020 жылдың  қаңтар айында іске қосылады деп күтілуде.  

    27.09.2019 ж.

  • Дата публикации: 23/09/2019 - 12:21
    Мазмұны:

    "Біздің футбол" жобалық кеңсесі

    2019 жылдың маусым айында Қызылорда облысының экономика және бюджеттік жоспарлау басқармасының бастамасымен «Біздің футбол» атты жобалық кеңсе жобасы облыстық жобалық кеңсе комиссиясының қолдауын тапты.

    Аталған жобаның бір бөлігі бойынша Қызылорда қаласы аумағындағы мектеп оқушыларының (әр мектептен 10 оқушы және 1 жетекші) жергілікті футбол командасы «Қайсар» футбол клубының ойындарын тегін тамашалауға мүмкіндік береді. Сонымен қатар, стадионға жиналған оқушылардың арасынан бір оқушы «Қайсар» ФК-ң атынан жанкүйер киім-кешегін (жеде, шарф, бас киімін) сыйлыққа алып, ойын басталар алдында бас төрешімен бірге допты ортаға алып шығатын болады.

    2019 жылдың 21 қыркүйегінде өткен Қайсар – Қайрат футбол командалары арасындағы ойынында «Біздің футбол» жобалық кеңсесінің тұсауы кесілді деуге болады. Аталған ойында «Қайсар» ФК-ның жанкүйер киім кешегін (жеде, шарф, бас киімін) сыйлыққа алу және бас төрешімен бірге допты ортаға алып шығу Қызылорда қаласының №4 мектебінің оқушысы Ибрашев Алихан Майысшанұлына бұйырды.

    Жобаны іске асырушылар: Қызылорда облысының экономика және бюджеттік жоспарлау басқармасы, Қызылорда облысының дене шынықтыру және спорт басқармасы, «Қайсар» ФК, Қызылорда қаласының білім бөлімі, «Ғани Мұратбаев атындағы орталық стадионы» КМҚК.

    23.09.2019 ж. 

  • Дата публикации: 18/09/2019 - 17:15
    Мазмұны:

    Мемлекеттік-жекешелік әріптестік мәселелері бойынша оқыту

     

             2019 жылдың 17 қыркүйегінде Қызылорда қаласының 28 мектебінің директорлары мен кәсіпкерлер мемлекеттік-жекешелік әріптестік мәселелері бойынша семинарына қатысты. Оқуды «Қазақстандық мемлекеттік-жеке меншік әріптестік» АҚ-ның сарапшылары өткізді.

             «МЖӘ жобасын ұсынудан және шартқа қол қоюға дейін» семинарының бағдарламасы аясында қатысушылар МЖӘ жобаларын іске асырудың қадамдық алгоритмі, МЖӘ келісім шартының негізгі ережелері, жеке инвесторларды іздеу және тарту алгоритмімен танысты.

             Семинардың қорытындысы бойынша қатысушыларға сертификаттар берілді.

              

    18.09.2019 ж.

     

     

  • Дата публикации: 17/09/2019 - 16:35
    Мазмұны:

    Қазақ тілі әліпбиін латын графикасына көшіру жөніндегі іс-шаралар

         Қазақстан Республикасы Мәдениет және спорт министрлігі «Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспары» аясында тиісті жұмыстарды жүргізуде.

         Бүгінгі таңда Іс-шаралар жоспарына және Қазақстан Республикасында тілдерді дамыту мен қолданудың 2011-2019 жылдарға арналған мемлекеттік бағдарламасына сәйкес «qazlatyn.kz» конвертер бағдарламасынан басқа күнделікті жұмыс барысында қолданылатын «termincom.kz», «tilalemi.kz», «sozdikqor.kz», «emle.kz», «atau.kz», «balatili.kz», «tilqural.kz» сайттары (http://tilalemi.kz/, https://sozdikqor.kz/, https://tilqural.kz, http://balatili.kz/, https://www.qazlatyn.kz/, http://emle.kz/, http://atau.kz/, https://www.qazlatyn.kz/converter/text, http://termincom.kz/, https://tilmedia.kz/) пайдаланылуға берілді.

    17.09.2019 ж.

  • Дата публикации: 10/09/2019 - 11:29
    Мазмұны:

    Кеше Қазақстан Республикасы Сыбайлас жемқорлыққа қарсыіс-қимыл Агенттігінің (Сыбайлас жемқорлыққа қарсы қызмет) Қызылорда облысы бойынша департаменті превенция және парасаттылық басқармасының басшысы Ғ. Әлімқұлова Қызылорда облысының экономика және бюджетті жоспарлау қызметкерлерімен сыбайлас жемқорлықтың алдын алу бойынша кездесу өткізілді.

    Кездесу барысында Ғ. Әлімқұлова департаментпен 2019 жылдың 8 айында сыбайлас жемқорлықтың алдын алу бойынша 3750 түрлі шаралар ұйымдастырылғандығын, сондай-ақ жемқорлықтың алдын алу бойынша бір қатар жобалар іске асырылып жатқандығын («Ашық бюджеттің интерактивті картасы», «Адал ұрпақ», «Саналы ұрпақ», «Адал жол», «Сапалы жол», «Protecting business and investments» және «Парасаттылық мектебі») атап өтті.

    Департамент жанындағы арнайы мониторингтік топ та қарқынды жұмыс атқарып келеді. Бұған қоса, тұрмыстық сыбайлас жемқорлықты жою мен азайту мақсатында «Ақмешіт – адалдық алаңы» жобалық кеңсесі жұмыс жасауда.

    Осы орайда, сыбайлас жемқорлыққа қарсы күрес бағытында қолданыстағы қылмыстық кодекстеріне енгізілген жауаптылықтар бойынша тоқтала кетті.

    Сонымен қатар, Ғалия Убайдуллақызы жемқорлыққа қарсы

    іс-қимыл жоспарының негізгі жеті бағытын атап өтті:

    1. Азаматтардың құқығының қорғалуы;

    2. Мемлекет пен азаматтық қоғам институттарының конструктивті әріптестігі;

    3. Қоғамдық бақылауды күшейту;

    4. Бюджет саясатының ашықтығы;

    5. Жемқорлыққа қарсы саясатта өңірлердің ролі;

    6. Мемлекеттік қызмет көрсету ісіндегі үдемелі цифрландыру;

    7. Мемлекеттік сатып алу жүйелерін жетілдіріп, бизнеске әкімшілік қысымды төмендету.

    Кездесу соңында Басқарма қызметкерлері сұрақтар қойып, пікір алмасты.

     

    10.09.2019ж.

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика